記住開心的時刻!!!!!!!

2016年11月5日星期六

新的開始 ! ( 我的日誌第 17 篇 )

返左新工幾日，都算漸漸習慣，雖然要出街，
頭果兩日係好累，因為要追住帶我出街果個男仔，
佢又行得急，我要跟得好趕，回家隻腳好痛。

這兩日，好好多，因為尋日個男仔請病假，我自己
岀街，可以行慢D，今日又唔洗岀街，仲好D，等隻
腳可以休息下。

這間公司都算幾大，福利都應該幾好，如無意外都會
做落去，希望漸漸習慣啦！

2016年10月30日星期日

我的悠長假期結束了 ! ( 我的日誌第 16 篇 )

我終於揾到工啦！
我終於揾到工啦！
我終於揾到工啦！
(好重要，講3次)

上週三見工，冇諗過唔洗等通知，即時請我，
叫我1號返工。仲要在屋企附近連車費都慳埋。

失業10個月，係時候要收拾心情，投入工作了。

重新出發 !

2016年10月24日星期一

復活節廣州、清遠三日遊 < 1 > ! ( 我的日誌第 15 篇 )

日期 : 26-3-2016 ( Saturday ) < Day 1 >

地點 : 廣州

費用 : HKD759.00 ( 團費 ) + HKD97.50 ( 保險 ) +

HKD180.00 ( 導遊費 )

今日是復活節第二日，我哋揀左在深圳灣雜合，我和媽咪未試過，

因怕多人過關，所以早啲，早上6:25起床，7:10岀門，坐58M去

屯門市廣場，轉B3X去深圳灣，唔算多人，過埋關未夠8:30。出左

去一直行到尾，見到很多旅行團的旗，好快已找到我哋旅行社(美味假期)

的旗，等埋今次同行的有二家姐兩夫婦和她的四個朋友，合共8人一起報到。

等導遊來到帶我哋去上車已10:00了。

首先導遊話行程有變，Day 1 和 Day 3 掉轉，先去華僑城-歡樂海岸。

這裡很大，有很多食野的地方，差不多11:00，要去東莞食午飯。

今日午餐 - 粥底火煱！

食完去廣州入住酒店，3:00己上房了。因為酒店有好多野玩，可以自由活動。

有人去打麻雀、唱K、打桌球等....我和媽咪去睇3D電影。

6:30去去酒店四樓食飯。

待續......

2016年10月22日星期六

重新出發 ! ( 我的日誌第 14 篇 )

今日我又決定要重新出發啦！都好耐冇寫Blog。

今日點解會寫番，因為自從我在30-12-2015被解僱，都去左三個旅行，

三月尾復活節去左廣州、清遠三日遊，四月尾去左德國，五月尾去左華東，

都想記住開心時刻，於是就有這決定了。

講番被解僱的心情，當時是又開心又失落，開心因為以後唔洗對住A女人，

個心立即放鬆晒，失落唔知幾時揾到工，所以決定放個無壓力的長假先，

過完年先算。但諗係咁諗，現實都驚揾唔到工，所以都有上網揾工。

過左年後，都開始揾工，一日同二家姐飲茶，佢問我去唔去德國，我口講話

機票貴，又要等到四月尾咁耐，但其實個心一直都想去，係當時A女人唔比

我攞假，點知二家姐回家Check機票價，平左HKD9,068，我掙扎左兩日，

決定去。去完回來五月初，又開始揾工，一日同大舅父飲茶，佢問我去唔

去華東，未去過喎，唔洗諗緊係去，兩日後去報名，五月尾岀發。

就係咁我到現在仲未找到工，我希望盡快找到工，我的人生能夠重新出發！

2015年2月28日星期六

超級壽星Birthday Party !! ( 我的日誌第 13 篇 )

話咁快到年初十啦！喺道祝大家身體健康、心想事成！！

年初一：早上去伯娘家拜年。
年初二：返馬灣和阿姨舅父團拜。
年初三：到三叔二家姐佢哋團拜，去左伯娘家樓下間酒樓
　　　　飮茶。
年初四：和阿Ｂ＆佢媽咪去左大澳拜年，玩左一日。
年初五：開工日。

２０１４年８月２日（星期六）

早上飲完茶，便分頭買野，然後坐１：４０車入馬灣，
整左好多野食。

夜晚坐１０：１５車回家。

2015年2月8日星期日

開開心心一日遊 !! ( 我的日誌第 12 篇 )

星期五: 約左好朋友預祝我下星期的Birthday，過左一個

開心的晚上。

星期六: 去左電髮，由11:30~16:30，足足五個鐘，頸都緊埋。

星期日:約左廣州姨去飲茶，9:00到，等左個幾鐘先有位，

夜晚媽咪同佢地有得飲，我自己煮麵食。

2014年7月27日 ( 星期日 )

今日一日遊，媽咪、姨仔、美瓊姨和我一起去，第一站

去尖沙咀漫畫星光大道。

第二站 ~~ 九龍公園文物探之館。

第三站 ~~ 午餐

午餐後，志蓮淨宛~南蓮園池。

最後一站 ~~ 遊輪碼頭

$78/位，有得食，有得玩，抵呀!!!!!

2015年2月3日星期二

姨仔Birthday BBQ Party ! ( 我的日誌第 11 篇 )

過去的週六日，好充實呀~~~

星期六: 一年一度的去旺角買衣紙，果道平D，媽咪買定
足夠一年的用量，夜晚去左姨仔家打邊爐。

星期日: 同姨仔買波鞋比焯豐做生日禮物，年尾時侯，人
人買鞋，勁多人，行左成日，終於買到。

2014年6月7日 ( 星期六 )

今日為姨仔生日搞左個BBQ Birthday Party，早上飲
完茶，跟住分頭買野，2:00入馬灣，好彩冇落雨。